Kasenian Tari Jaipong

Tari Jaipong lahit ti kreatifna seniman ti Bandung nu namina Gugum Gumbira. Mimiti ayana Tari Jaipong teh sok disebut oge ketuk tilu emang tarian ieu teh dikembangkeun tina ketuk tilu.

Tari Jaipong atos jadi salah sahiji ikon kasenian jaawa barat, anu sering dipintonkeun di acara-acara penting contona pikeun ngahibur tamu ti nagara asing anu datang ka jawa barat jeung sok dipintonkeun oge di festival budaya.

Kalahiran tari jaipong teh ngaayakeun rasa nu neuleuman seni tari tradisional jadi leuwih aktif pikeun ngagali jenis tarian nu sejena nu saacanamah kurang diperhatikeun.

Gerakan tina tarian ieu teh mangrupakeun tarian atraktif anu gerakana teh dinamis. Gerakan anu sering dipakena nyaeta lengen, tak-tak, jeung pinggul nu digerakkeun sacara lincah jeung dinamis. Tari Jaipong sok dipinding ku musik tradisional degung nu alat musikna teh saperti kendang, gong, kacapi, saron, jeung lain-lain.

Pakean nu digunakeun ku penari jaipong teh biasana make kabaya warna cerah jeung kahandapna sok make kaen jait motif batik. dibagean mastakana biasana ngangge sanggul hias, hisana teh saperti mahkota sareng bunga, pakean penari oge sok ditambahan make selendang.

Ayeuna kasenian tari jaipong teh geus mulai jarang dipintonkeun pikeun ngajaga ieu kasenian teh urang salaku masyarakat jawa barat kudu apal jeung kudu sering dipintonkeun ka masyarakat luar atawa masyarakat disabuderen ku cara ngaayakeun festival budaya.